Ավստրալիայում կառուցվել է «Գահերի խաղի» հերոսների գերեզմանատունը

Ավստրալիայի Սիդնեյ քաղաքի մոտ կառուցվել է «Գահերի խաղի» մահացած հերոսների գերեզմանատունը։

Այս գաղափարի հեղինակն ու իրականացնողն ավստրալական «Foxtel» հեռուստաընկերությունն է, որն էլ զբաղվում է Ավստրալիայում «Game of Thrones»-ի հեռարձակմամբ։

Տարածքը ստացել է «Գահերի գերեզմանոց» անվանումը։

Այստեղ կարելի է գտնել հայտնի սերիալի մինչև վերջին 8-րդ եթերաշրջան չհասած բոլոր հերոսների գերեզմանները։

Գերեզմանատուն կարելի է այցելել մինչև ապրիլի 14-ը (14-ը ներառյալ), քանի որ հենց այսօր կմեկնարկի «Գահերի խաղի» վերջին 8-րդ եթերաշրջանը։