Երեկ՝ փետրվարի 20-ին, ժամը 22:41-ին ահազանգ է ստացվել, որ Երևանի Ալիխանյան եղբայրների փողոցում գտնվող չշահագործվող մանկապարտեզի ներսում հրդեհ է բռնկվել։
Այս մասին տեղեկանում ենք ՀՀ ԱԻՆ պաշտոնական կայքից։
- Ողբերգական ավտովթար Աբովյանում․ կա 5 զոհ և վիրավոր
- Աբովյանի ողբերգական վթարից փրկված 15-ամյա աղջնակն անգիտակից է. մանրամասներ
Նշվում է, որ դեպքի վայր է մեկնել հրշեջ-փրկարարական ջոկատներից երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է Ալիխանյան եղբայրների փողոցի թիվ 5 շենքի մոտակայքում գտնվող չշահագործվող մանկապարտեզի սենյակներից մեկում։
Նշվում է նաև, որ հրդեհը մեկուսացվել է ժամը 23։45-ին, մարվել՝ փետրվարի 21-ին, ժամը 00։24-ին։ Այրվել են սենյակի փայտե հատակը (մոտ 16 քմ), 2 պատուհանի շրջանակ, 4 գերան և 25 տախտակ։
