ՀՀ ԱԺ նախկին պատգամավոր Թևան Պողոսյանը Facebook-ի իր էջում հայտնել է, որ զրուցել է Արցախի ԱԺ նախագահի հետ։
- Արցախի նախագահը պարգևեր է հանձնել մի խումբ ազատամարտիկների
- Հայաստանի ու Արցախի ղեկավարների գլխավորությամբ խորհրդակցություն է տեղի ունեցել (ՏԵՍԱՆՅՈւԹ)
«Հենց նոր զանգահարեց Արցախի Հանրապետության ԱԺ նախագահ Արթուր Թովմասյանը և հայտնեց շատ սպասված ու լավ լուր։
Արցախի Հանրապետության ԱԺ-ի խմբակցությունների նախաձեռնությամբ օրակարգ է մտցվել ադրբեջանական օկուպացիայի մասին օրենքի նախագիծ։ Հուսամ, որ փետրվարի 16-ի նիստում այն կանցնի առաջին ընթերցում, իսկ փետրվարի 20-ին, նաև իր խորհրդով, ամբողջական կընդունվի։
Արցախի ԱԺ-ի այս նախաձեռնությանը պետք է օժանդակել և օգնել, որ տեղեկատվական դաշտում կարողանանք մեր շեշտադրումներն անել։
Հուսամ` փետրվարի 13-ի խորհրդով և Միացում շարժման 34-րդ տարեդարձը կամրագրվի համայն հայության միասնությանը միտված գործողություններով», – գրել է Պողոսյանը։
