Հայաստանի ազգային հավաքականի նիգերիացի ֆուտբոլիստ Սոլոմոն Ուդոն տեղափոխվել է Հայաստանի Բարձրագույն խմբում հանդես եկող «Արարատ-Արմենիա» ակումբ։
Այս մասին տեղեկանում ենք ակումբի Facebook-ի էջից։
Ուդոն մինչ այս խաղացել է հայկական 4 ակումբներում՝ «Ուլիսում», «Ուրարտուում», «Շիրակում» և «Արարատում»։
Նա նաև հանդես է եկել ղազախական «Ատիրաուում»։ Կիսապաշտպանի վերջին ակումբը եղել է Կարագանդայի «Շախտյորը»։
Նշենք, որ Ուդոն Հայաստանի հավաքականում 13 խաղ է անցկացրել։