Բահրեյնի թագավոր Համադը կարգադրել է վերականգնել 551 բահրեյնցիների քաղաքացիությունը, որոնք ավելի վաղ զրկվել էին դատարանի վճռով: Որոշումը կայացվել է մի քանի օր անց, երբ ՄԱԿ-ի բարձրաստիճան պաշտոնյան իր մտահոգությունն էր հայտնել նմանօրինակ որոշումների առնչությամբ:
Թագավորը, որն իրավունք ունի չեղարկել դատարանի որոշումները, խնդրել է իրավասու մարմիններին հաշվի առնել «կատարված հանցագործությունների բնույթը», հաղորդում է Բահրեյնի տեղեկատվական գործակալությունը:
Ներքին գործերի նախարարությանը հանձնարարվել էր ուսումնասիրել գործերը և պատրաստել այն մարդկանց ցուցակները, որոնց քաղաքացիությունը չի վերականգնվելու:
Ըստ իրավապաշտպան խմբերի գնահատականների՝ 990 մարդ՝ հիմնականում շիիթներ, զրկվել էին քաղաքացիությունից կառավարության դեմ բողոքի ցույցերից հետո:
ԽՈՐՀՈւՐԴ Է ՏՐՎՈւՄ ԿԱՐԴԱԼ
