Շարունակվում է ՊՍԺ-ի բրազիլացի ֆուտբոլիստ Նեյմարի համար մղվող տրանսֆերային պայքարը։
«Բարսելոնան» մտադիր է նոր առաջարկ անել 27-ամյա հարձակվողի համար համար։
Sport.es-ը հաղորդում է, որ կատալոնական ակումբը նոր, թարմ առաջարկ է պատրաստում, որով բանակցությունները վերջնական փուլ կմտնեն։ Դեռևս հայտնի չէ, թե ինչ պայմաններով է լինելու նոր առաջարկը, սակայն մեկ բան հստակ է, որ գալիք օրերին գործարքը կարող է մոտենալ ավարտին։
Պայքարից դուրս չի մնում նաև Մադրիդի «Ռեալը»։ «Արքայական» ակումբի ներկայացուցիչները երեկ մեկնել էին Փարիզ՝ բանակցությունները շարունակելու համար։
Ավելի վաղ հայտնի էր դարձել, որ ՊՍԺ-ն Նեյմարին կվաճառի «Ռեալին», ոչ թե «Բարսելոնային»։
