Այսօր կանանց ցույցի ժամանակ ոստիկանները փորձում էին բերման ենթարկել նաև «Հայրենիքի փրկության շարժման» վարչապետի միասնական թեկնածու Վազգեն Մանուկյանի աղջկան` Աստղիկ Մանուկյանին:
Վազգեն Մանուկյանի կինը`Վարդուհի Իշխանյանը ասել էր, որ ոստիկանները փորձել են Աստղիկին բերման ենթարկել, բայց հետո ազատ են արձակել. «Աստղիկին բերման էին ենթարկում, ես մոտեցա, որ ազատեմ`ստացվեց:
Այս պահի դրությամբ բաժանմունք բերման ենթարկվածների մի մասին արդեն ազատ են արձակել: Ցուցարարները շարժվում են ոստիկանության մյուս բաժանմունքներ, որտեղ նույնպես բերման ենթարկվածներ կան: Իսկ մինչ այդ լրագրողների հետ զրույցում Վարդուհի Իշխանյանն ասել էր, որ պատրաստվում է մասնակցել բոլոր ցույցերին, որոնք միտված են այս իշխանությանը հեռացնելուն։