Հայ պրոֆեսիոնալ բռնցքամարտիկներ Վահե Սարուխանյանն ու Գոռ Երիցյանը վաղը՝ փետրվարի 9-ին կանցկացնեն իրենց հերթական մենամարտերը:
Այս մասին տեղեկացնում է Punch Boxing Armenia-ի ֆեյսբուքյան էջը:
Այսօր կայացել է մարզիկների կշռման արարողությունն ու հայացքների մենամարտը:
Հիշեցնենք, որ WBO վարկածով աշխարհի երիտասարդների չեմպիոն Գոռ Երիցյանը կմենամարտի արգենտինացի Մաքսիմիլանո Լեոնել Սքալզոնեի հետ:
ՌԴ նախագահ Վլադիմիր Պուտինի անվան գավաթի խաղարկության շրջանակում կայանալիք առաջին մենամարտում Վահե Սարուխանյանը կմրցի Ռուսաստանի ուժեղագույն բռնցքամարտիկներից մեկի՝ Պավել Մալիկովի հետ:
Հաղորդում է armsport.am-ը։
