Վրաստանում ափսոսանք են հայտնել ԱՊՀ-ն (Անկախ պետությունների համագործակցություն) լքելու կապակցությամբ:
Ինչպես հաղորդում է Известия-ն, այդ երկրի նախկին վարչապետ Նինո Բուրջանաձեն հայտարարել է, որ Վրաստանը ոչինչ չի շահել՝ կազմակերպությունից դուրս գալով:
Ըստ նրա՝ նման որոշման հիմնական պատճառը եղել է ցույց տալը, որ իրենք կարողանում են լքել Ռուսաստանի մասնակցությամբ հարթակը։
«Դա պարզապես քաղաքական քայլ էր, որը ցույց տվեց, որ, ահա, մենք դուրս եկանք այն միջավայրից, որտեղ Ռուսաստանը դոմինանտ տեղ է զբաղեցնում:
Քաղաքականության մեջ նման որոշումները որևէ լավ բանի չեն բերում:
Ինչ վերաբերում է վնասին, դա բանակցությունների հարթակ էր, դա հնարավորություն էր տալիս հանդիպելու ռուս գործընկերների հետ, ԱՊՀ մյուս երկրների գործընկերների հետ»,- ասել է նա:
Քաղաքական գործիչը համոզմունք է հայտնել, որ այդ հարթակը միջոց էր՝ մյուս երկրների հետ կապ հաստատելու ու բարդ իրավիճակներում աջակցություն ստանալու համար:
ԽՈՐՀՈւՐԴ Է ՏՐՎՈւՄ ԿԱՐԴԱԼ
