Ճապոնական JICA-ն ՀՀ-ին տրամադրել է 36 միավոր հրշեջ ավտոմեքենա, 3 ավտոսանդուղք, կարգավար 1 մեքենա, շարժական արհեստանոցներ և պահեստամասեր, որը կհատկացվի Սյունիքի, Լոռու և Շիրակի մարզերին: Հանձնման պաշտոնական արարողությանը ներկա են վարչապետ Նիկոլ Փաշինյանը, Հայաստանում Ճապոնիայի դեսպան Ջուն Յամադան, հայ և ճապոնացի այլ պաշտոնյաներ:
Վարչապետը նշել է, որ Ճապոնիայի աջակցությունը մշտապես օգնել է Հայաստանի զարգացման ծրագրերի իրականացման, տնտեսության արդիականացման հարցում, և որ հայ-ճապոնական բարեկամական օգնությունը հատկապես զգալի է եղել աղետների դեմ պայքարում:
ՀՀ-ում Ճապոնիայի դեսպան Ջուն Յամադան հայերեն ելույթ է ուեցել, որի ընթացքում խոսել է Հայաստանում նման տեխնիկայի անհրաժեշտության մասին:
«Ինձ համար մեծ պատիվ է մասնակցել սարքավորումների տրամադրման ծրագրի բացման հանդիսավոր արարողությանը: Այն ուղղված է աղետների առաջնային շրջաններ հանդիսացող Շիրակի, Լոռու և Սյունիքի մարզերին առաջնային օգնության հրշեջ մեքենաներ տրամադրելուն: Հայաստանում հաճախակի են տեղի ունենում բնական աղետներ, ինչը գյուղական բնակավայրերի զարգացման համար խոչընդոտ է, այս պատճառով Ճապոնիան առաջնահերթ է համարում աջակցել», – ասել է դեսպանը: