Ֆլորիդայում 2-ամյա երեխայի մահվան գործով մորը մեղադրանք է սպառնում

Ֆլորիդայի Օսեոլա շրջանի շերիֆի գրասենյակը դատախազությանը խորհուրդ է տվել մեղադրանք առաջադրել 37-ամյա Շակելիա Թենիսոնին՝ մեղավոր անփութության հատկանիշներով։ Միջադեպը տեղի է ունեցել հուլիսի 12-ին Կիսիմի քաղաքում, որտեղ ընտանիքը ժամանել էր՝ նշելու երեխայի՝ Բրեյդենի 3-ամյակը։

Հետաքննության տվյալներով՝ 2-ամյա երեխան և նրա 4-ամյա զարմիկը առանց հսկողության են մնացել վարձակալած տան դիմաց կայանված ավտոմեքենայում։ Իրավապահները հայտնում են, որ 4-ամյա երեխան նստատեղի տակ գտել է Թենիսոնի հրազենը, ինչի հետևանքով տեղի ունեցած կրակոցը ճակատագրական է դարձել փոքրիկի համար։ Վերջինս մահացել է տեղի հիվանդանոցում։

Ջորջիա նահանգի Լուիսվիլ քաղաքի բնակչուհի Թենիսոնը ներկայումս ձերբակալված չէ և վերադարձել է տուն, սակայն տեղեկացված է հնարավոր մեղադրանքների մասին։ Դատախազությունը դեռևս վերջնական որոշում չի կայացրել գործի հետագա ընթացքի վերաբերյալ։

Ընտանիքը GoFundMe հարթակում դրամահավաք է սկսել՝ երեխայի հուղարկավորության ծախսերը հոգալու և նրա աճյունը Ջորջիա տեղափոխելու համար։