«Ռոմայի» հարձակվող Թամմի Աբրահամը հետաքրքրված է «Չելսիով» և «Մանչեսթեր Յունայթեդով»:
Հարձակվողը «Չելսիի» ակադեմիայի շրջանավարտ է։ Նա «Ռոմա» է տեղափոխվել 2021 թվականի ամռանը 40+5 միլիոն եվրոյի դիմաց։
Ինչպես հայտնում է The Athletic-ը, Աբրահամը շարունակում է գրավել անգլիական ակումբների ուշադրությունը։ «Չելսին» շարունակում է հետաքրքրվել Թամմիով սեփականատիրոջ փոփոխությունից հետո։ «Կապտանռնագույնները» հարձակվողի համար ունեն 80 միլիոն եվրո հետգնման տարբերակ, որը կարող է ակտիվացվել հուլիսից:
«Մանչեսթեր Յունայթեդի» սկաուտները բազմիցս այցելել են «Ռոմայի» հանդիպումները՝ հետևելու Աբրահամի առաջընթացին, սակայն «Չելսին» առաջին մերժման իրավունք ունի, և «Ռոմա»-ն պարտավոր է տեղեկացնել լոնդոնյան ակումբին, եթե որևէ այլ թիմ պատրաստակամություն հայտնեց գնել հարձակվողին 80 միլիոն եվրոյով:
Եթե «Ռոման» այս մրցաշրջանի վերջում նվաճի Չեմպիոնների լիգայի ուղեգիր, ապա հնարավոր բանակցություններում նրա դիրքերը կամրապնդվեն։
Ընթացիկ մրցաշրջանում 25-ամյա հարձակվողը բոլոր մրցաշարերում «Ռոմայի» կազմում անցկացրած 33 խաղում դարձել է 7 գոլի և 4 գոլային փոխանցման հեղինակ:
