Ռաֆայել Նադալը կարծում է, որ Ռոջեր Ֆեդերերի նման չի կարողանա 37 տարեկանում շարունակել պրոֆեսիոնալ կարիերան:
«Կկարողանա՞մ Ռոջերի նման երկար խաղալ: Հավանաբար, ոչ: Այս պահին պատասխանս բացասական է, սակայն երբ 25 կամ 26 տարեկան էի, չէի պատկերացնում, որ 32 տարեկանում էլ կխաղամ:
Երբեք չես իմանա, թե ինչ է սպասվում քեզ…
Այժմ շատ են տարիքով թենիսիստները՝ Ֆեդերերը, Կարլովիչը, Վինուսը և Սերենան: Հասկանալի է, որ նրանք իրենց պատճառներն ունեն կարիերան շարունակելու համար: Երկար խաղալու համար առաջին հերթին պետք է ինքնավստահ լինես քո խաղում: Երկրորդ՝ պետք է լավ աշխատել վնասվածքներից հետո, մարմնիդ նկատմամբ ուշադիր լինել: Երրորդ՝ մնալ մրցունակ և բարձր մակարդակում»,- Նադալի խոսքը մեջբերել է Tennis World USA-ը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
