Twitter-ի նոր սեփականատեր Իլոն Մասկը հայտարարել է, որ Դոնալդ Թրամփի հաշիվը վերականգնվել է այն բանից հետո, երբ անցկացվել է հարցում, որտեղ օգտատերերը փոքր-ինչ աջակցել են այդ քայլին:
«Ժողովուրդը խոսել է», – թվիթերում գրել է Մասկը՝ ասելով, որ Twitter-ի ավելի քան 15 միլիոն օգտատերերի 51,8%-ը կողմ է քվեարկել արգելքի վերացմանը։
Սակայն ԱՄՆ նախկին նախագահը կարող է չվերադառնալ հարթակ՝ ավելի վաղ ասելով. «Ես դրա համար որևէ պատճառ չեմ տեսնում»։
Նրա հաշիվը կասեցվել է 2021 թվականին՝ բռնության հրահրման վտանգի պատճառով։