Չինաստանի արևելքում գտնվող Ֆուցզյան նահանգում շուրջ 36 հազար մարդ է տարհանվել հորդառատ անձրևների պատճառով, հայտնում է Xinhua-ն՝ վկայակոչելով տեղի իշխանություններին։
Շաբաթ օրը ժամը 20:00-ի դրությամբ այս նահանգում շարունակվող հորդառատ անձրևներից տուժել է մոտ 180 հազար մարդ։ Վնասվել է 12,35 հազար հա գյուղատնտեսական մշակաբույսեր։ Ուղղակի տնտեսական վնասը գնահատվում է 1,61 միլիարդ յուան (մոտ 225 միլիոն դոլար):
Շաբաթ օրը ժամը 06:00-ից մինչև կիրակի ժամը 07:00-ն Ֆուցզյան նահանգի 11 գետերի հիդրոլոգիական կայաններում գրանցված ջրի մակարդակը վտանգի մակարդակից 0,07-3,65 մ բարձր է եղել:
Կիրակի ժամը 07:00-ի դրությամբ յոթ հիդրոլոգիական կայաններում ջրի մակարդակը մնացել է վտանգի մակարդակից բարձր։
Օդերևութաբանները հորդորում են տեղի բնակիչներին զգոն լինել փոքր և միջին գետերի հնարավոր վարարումների և քաղաքային և գյուղական վայրերում հնարավոր հեղեղումների նկատմամբ:
