Չինաստանը բողոքի նոտա է հղել Կանադային՝ ԱՄՆ-ում Huawei-ի ֆինանսական հարցերով տնօրեն Մեն Վանչժոուին արտահանձնելու կապակցությամբ։ РИА «Новости»-ի փոխանցմամբ՝ այս մասին հայտնում է Չինաստանի ԱԳՆ-ի պաշտոնական ներկայացուցիչ Լու Կանը։
Կանադայի արդարադատության նախարարը պաշտոնապես սկսել է Huawei-ի ֆինանսական հարցերով տնօրեն Մեն Վանչժոուի արտահանձնման գործընթացը։
Հիշեցնենք, որ ԱՄՆ արդարադատության նախարարությունն արդյունաբերական լրտեսության և խարդախության վերաբերյալ պաշտոնական մեղադրանքներ է առաջադրել Huawei-ին և ընկերության ֆինանսական հարցերով տնօրեն Մեն Վանչժոուին։
ԱՄՆ գլխավոր դատախազի պաշտոնակատար Մեթյու Ուիթաքերը հաստատել է, որ ԱՄՆ-ը կձգտի հասնել Կանադայից Վանչժոուի արտահանձնման։
