Հունիսի 18-ին, ժամը 13:18-ին «911» ծառայությանն ահազանգ է ստացվել, որ Երևան քաղաքի Ազատամարտիկների և Էրեբունի փողոցների խաչմերուկում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը:
Պարզվել է, որ Ազատամարտիկների և Էրեբունի փողոցների խաչմերուկում իրար են բախվել “Hyundai Elantra” և “BMW” մակնիշների ավտոմեքենաները: ՃՏՊ-ի հետևանքով “Hyundai Elantra” մակնիշի ավտոմեքենայի ուղևորները հոսպիտալացվել են Էրեբունի ԲԿ:
Փրկարարները հոսանքազրկել են ավտոմեքենաները և փակել գազի բալոնների փականները:
Այս մասին տեղեկանում ենք ՀՀ ԱԻՆ պաշտոնական կայքից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
