«Մանչեսթեր Յունայթեդը» հետաքրքրված է «Բավարիայի» հարձակվողներ Էրիկ-Մաքսիմ Չուպո-Մոտինգով և Թոմաս Մյուլլերով: Այս մասին հայտնում է The Athletic-ը։
Եվ եթե Մյուլերի հետ պայմանագիր կնքելը շատ քիչ հավանական է, քանի որ գերմանացին երկու շաբաթ առաջ է երկարաձգել պայմանագիրը մյունխենցիների հետ, ապա Չուպո-Մոտինգի տրանսֆերը կարող է տեղի ունենալ. 34-ամյա կամերունցու պայմանագիրն ավարտվում է 2024 թվականի ամռանը և նա հազվադեպ է հայտնվում թիմի մեկնարկային կազմում։
2023/24 մրցաշրջանում Չուպո-Մոտինգը «Բավարիայի» կազմում մասնակցել է 19 հանդիպման, որոնցում դարձել է 3 գոլի հեղինակ։
