ԱՄՆ նախկին պետքարտուղար Հիլարի Քլինթոնը աջակցում է Ներկայացուցիչների պալատի որոշմանը՝ ԱՄՆ նախագահ Դոնալդ Թրամփի իմպիչմենտը սկսելու վերաբերյալ:
«Ես կողմ եմ իմպիչմենտի կողմ շարժվելուն: Ես արագ կամ հեշտ չեմ եկել այդ որոշմանը, բայց սա արտակարգ իրավիճակ է»,-ասել է Քլինթոնը «People» պարբերականի հետ զրույցում:
Նրա խոսքով՝ Թրամփը փորձել է Ուկրաինայի առաջնորդ Վլադիմիր Զելենսկուն գցել դավադրության մեջ՝ նախկին փոխնախագահ Ջո Բայդենին թուլացնելու համար:
«Եթե դա խախտում չէ, որը նշանակում է իմպիչմենտ, ապա ես չգիտեմ, թե դա ինչ է»,-ընդգծել է նա:
