ՌԴ պաշտպանության նախարարության հաղորդմամբ՝ ռուս խաղաղապահ զորակազմի զինվորականների ուղեկցությամբ Դադիվանքի վանական համալիր է այցելել հայ ուխտավորների մի խումբ։ Ռուսաստանի, Ադրբեջանի և Հայաստանի ղեկավարների՝ 2020 թ. նոյեմբերի 9-ի եռակողմ հայտարարության իրականացման շրջանակներում ռուս խաղաղապահները շարունակում են աջակցել Լեռնային Ղարաբաղում խաղաղ կյանքի վերականգնմանը:
ՌԴ պաշտպանական գերատեսչության տարածած հաղորդագրությունում նաև նշվում է, որ ձեռք բերված պայմանավորվածությունների արդյունքում Ադրբեջանի զինծառայողներն առանց խոչընդոտի թույլ են տալիս ուխտավորների մուտքը համալիրի տարածք՝ ռուս խաղաղապահների ուղեկցությամբ: