Մշակույթ

Դալի և Պիկասո ցուցահանդեսը երկարաձգվել է ևս մեկ շաբաթով

Հայաստանի ազգային պատկերասրահը Facebook-ի էջում գրառում է կատարել։ Գրառման մեջ նշվում է, որ «Դալի և Պիկասո» ցուցահանդեսը երկարաձգվել է։

«Սիրելի այցելունե՜ր,

հաշվի առնելով «Դալի և Պիկասո» ցուցահանդեսի հանդեպ հասարակության ահռելի հետաքրքրությունը և հակահամաճարակային կանոնների պահպանման արդյունքում գոյացած մեծ հերթերը՝ ՀՀ ԿԳՄՍ նախարարության աջակցությամբ համաձայնություն է ձեռք բերվել հավաքածուատեր Ալեքսանդր Շադրինի հետ երկարացնելու ցուցահանդեսը ևս մեկ շաբաթով՝ մինչև ՕԳՈՍՏՈՍԻ 30-ը ներառյալ:

Հայաստանի ազգային պատկերասրահն իր խորին երախտագիտությունն է հայտնում «Դալի և Պիկասո» ցուցահանդեսի հավաքածուատեր, «Искусство Наций» հիմնադրամի նախագահ, մեկենաս Ալեքսանդր Շադրինին:

Աշխատանքային ժամերը ՝ օգոստոսի 25-30-ը, ժամը 11.00-20.30»,- ասված է գրառման մեջ։

ՎԵՐՋԻՆ ԼՈւՐԵՐ

ՎԵՐԵՎ