fbpx
Արցախ

Դասախոսություն Արցախի ԱԺ-ում՝ Ղարաբաղյան հակամարտության թեմայով

Այսօր՝ հոկտեմբերի 14-ին, ԱՀ Ազգային ժողովի գրադարանում փիլիսոփայության պրոֆեսոր Ալեքսանդր Մանասյանը հանդես է եկել «Ղարաբաղյան հակամարտությունը միջազգային քաղաքականության և իրավունքի համատեքստում» թեմայով դասախոսությամբ:

«Արցախպրես»-ի թղթակցի հաղորդմամբ՝ իր խոսքում Ալեքսանդր Մանասյանն ասել է, որ արդեն անցել է 30 տարի, սակայն Ղարաբաղյան հակամարտությունը չի հանգուցալուծվում:

«Մեզ համար խնդիրը կարծես թե լուծվել է, սակայն միջազգային օրակարգում այն դեռևս կա: Պետք է նշեմ, որ աշխարհում ամեն ինչ որոշում է ուժը, որն ունի կարևոր դերակատարություն: Պատմականորեն ուժ ասվածը, սակայն, ժամանակի ընթացքում փոխվում է: Տարածաշրջանում առկա է գլոբալ ուժերի ռազմաքաղաքական հավասարակշռություն: Ադրբեջանը նշում է, որ պայքարում է իր միջազգայնորեն ճանաչված սահմանների համար: Այդ հավասարակշվածությունը կարող է շարունակվել երկար տարիներ, և մենք պետք է ուժեղանանք ժողովրդագրությամբ, տնտեսությամբ, գիտությամբ, մշակույթով, բանակով և քաղաքական մտքով: Պետք է կարողանանք դիմակայության մեջ այս տարիներին կառուցել խնդրի էությանը համապատասխան կերպարը»,- մանրամասնել է Ա. Մանասյանը:

Աղբյուրի հաղորդմամբ՝ Դաասախոսությանը ներկա էին ԱՀ Ազգային ժողովի նախագահ Աշոտ Ղուլյանը, ուսանողներ, հյուրեր: Հանդիպման մասնակիցները բանախոսին են ուղղել մի շարք հարցեր:

ՎԵՐՋԻՆ ԼՈւՐԵՐ

Վերեվ