Դենիս Թումասյանը կարիերան կարող է շարունակել հայրենիքում

«Ուֆայի» 33-ամյա պաշտպան Դենիս Թումասյանը կարիերան կարող է շարունակել հայրենիքում:

ArmSport-ին հայտնի է դարձել, որ ֆուտբոլիստի ծառայություններով հետաքրքրված է Երևանի «Արարատը»:

Կողմերի միջև այժմ բանակցություններ են ընթանում, և հավանական է, որ մոտ օրերս նրանք համաձայնության կգան:

Նշենք` Թումասյանը 2014 թվականից հանդես է գալիս «Ուֆայում»:

Ռուսաստանի Պրեմիեր-լիգայի ընթացիկ մրցաշրջանում նա իր թիմի կազմում 10 հանդիպման է մասնակցել:

Ավելի վաղ հայտնել էինք, որ «Արարատը» հունվարի 8-ից վերադարձել է արձակուրդից և վերսկսել մարզումները: Թիմի հետ փորձաշրջան են անցնում մի շարք լեգիոներներ, որոնք առաջիկայում պայմանագիր կկնքեն ակումբի հետ:

Բարձրագույն խմբի առաջնության աշնանային հատվածից հետո Աբրահամ Խաշմանյանի թիմը մրցաշարային աղյուսակի նախավերջին` 8-րդ հորիզոնականն է զբաղեցնում` իր ակտիվում ունենալով 13 միավոր:

Հաղորդում է armsport.am-ը։