Առնվազն 37 մարդ է տուժել Թուրքիայի հյուսիս-արևմուտքում տեղի ունեցած ճանապարհատրանսպորտային պատահարի արդյունքում: Բախվել են ավտոբուսն ու բեռնատարը: Այս մասին գրում է Anadolu-ն:
Միջադեպը տեղի է ունեցել Դյուզջե նահանգում: Ավտոբուսն ուղղվում էր Ստամբուլից Դիարբեքիր:
Հայտնի է, որ 3 մարդ ստացել է լուրջ վնասվածքներ, նրանց թվում են ավտոբուսի վարորդն ու նրա օգնականը:
Նշենք,որ բեռնատարի վարորդ Իսմայիլ Օզդեմիրը ձերբակալվել է: Իրավապահները պարզում են վթարի պատճառը: