Ռոստովի մարզի նահանգապետ Վասիլի Գոլուբևը Интерфакс-ին ասել է, որ Ուկրաինայի արևելյան շրջանի՝ Դոնբասի 8 հազար բնակիչն անցած երեք ամսվա ընթացքում Ռուսաստանի քաղաքացիություն և անձնագիր է ստացել դյուրացված կարգով: Նրա խոսքով՝ ևս 30 հազարը սպասում է համապատասխան որոշման:
Ռոստովի մարզում Դոնբասի բնակիչներին ՌԴ քաղաքացիություն և անձնագրեր տրամադրելու երկու գրասենյակ է գործում:
Դոնբասի բնակիչները հեշտացված կարգով ռուսական անձնագրեր են ստանում՝ համաձայն Ռուսաստանի նախագահի անցած ապրիլին ստորագրած հրամանագրի:
Ուկրաինայի կառավարությունն անօրինական է համարում իր քաղաքացիներին նման ընթացակարգով ռուսական անձնագրերի տրամադրումը: