ՖԻՖԱ-ն պաշտոնապես հայտարարել է, որ 2026 թվականի Աշխարհի առաջնության եզրափակիչ խաղը, որը տեղի կունենա հուլիսի 19-ին Նյու Ջերսիի MetLife մարզադաշտում, կունենա պատմության մեջ առաջին մեծածավալ շոուն ընդմիջման ժամանակ: Գլխավոր կատարողները կլինեն համաշխարհային աստղեր Շակիրան, Մադոննան և հարավկորեական BTS խումբը: Շոուի կազմակերպմամբ զբաղվում է Coldplay խմբի մենակատար Քրիս Մարտինը՝ Global Citizen կազմակերպության հետ համատեղ:
Այս որոշումը նշանակում է ֆուտբոլային ավանդույթների լուրջ փոփոխություն, քանի որ սովորաբար ընդմիջումը տևում է 15 րոպե, սակայն նման մասշտաբի ելույթի համար այն հավանաբար կերկարաձգվի: Միջոցառումն ունի նաև բարեգործական նպատակ. յուրաքանչյուր վաճառված տոմսից 1 դոլար կփոխանցվի FIFA Global Citizen կրթական հիմնադրամին, որի նպատակն է հավաքել 100 միլիոն դոլար՝ երեխաների կրթության և սպորտի զարգացման համար:
Փորձագետները նշում են, որ սա ՖԻՖԱ-ի ռազմավարական քայլն է՝ ֆուտբոլն էլ ավելի առևտրայնացնելու և ամերիկյան «Սուպերբոուլի» օրինակով համաշխարհային մեծ լսարան գրավելու համար: Շակիրայի, Մադոննայի և BTS-ի ընտրությունը պատահական չէ. այն թույլ կտա միավորել լատինամերիկյան, արևմտյան և ասիական լսարանները՝ ապահովելով ռեկորդային դիտումներ ամբողջ աշխարհում: