Հիշողություններ երիտասարդության տարիներից Կոնան Օ’Բրայանի փոդքաստում
Օսկարակիր դերասան Դասթին Հոֆմանը պատմել է իր երիտասարդության տարիներին տեղի ունեցած վտանգավոր միջադեպի մասին, երբ նրան զենքի սպառնալիքի տակ է պահել ամուսնացած կնոջ հետ գաղտնի հարաբերությունների ժամանակ: The Independent-ի փոխանցմամբ՝ 89-ամյա դերասանն այս մասին խոսել է նոյեմբերի 9-ին թողարկված Կոնան Օ’Բրայանի փոդքաստի ընթացքում:
Հոֆմանը նշել է, որ միջադեպը տեղի է ունեցել շատ տարիներ առաջ՝ մինչ Հոլիվուդում հայտնի դառնալը: Նրա խոսքով՝ կինն իրեն հրավիրել էր տուն այն բանից հետո, երբ ամուսինը քնել էր, սակայն վերջինս անսպասելիորեն վերադարձել է և զենքով մտել սենյակ:
Մահվան սպառնալիքը և մանրամասները
Page Six-ը հայտնում է, որ Հոֆմանը վառ կերպով է հիշում հրազենի տակ գտնվելու պահը և այն միտքը, թե ինքը կարող էր մահանալ: «Երբ քեզ վրա զենք են պարզում, առաջին հերթին հասկանում ցես, որ այդ անցքը շատ ավելի մեծ է թվում, քան իրականում է»,– պատմել է դերասանը՝ հավելելով, որ ամուսնու մատը եղել է ձգանին, և իրեն թվացել է, թե ամեն վայրկյան կրակոց է հնչելու:
«Դու հասկանում ես, որ վերջ, դու մեռնելու ես հաջորդ վայրկյանին»,– նշել է Հոֆմանը՝ հավելելով, որ այդ իրավիճակում մարդը պատրաստ է ամեն ինչի՝ կյանքը փրկելու համար: Զայրացած ամուսինը պարզապես պահանջել է նրանից հեռանալ տնից:
Հուշագրության հրապարակումը
Այս բացահայտումը համընկել է Հոֆմանի նոր՝ «Look at Me» հուշագրության թողարկման հետ, որը լույս է տեսնում նոյեմբերի 10-ին: AOL-ը նշում է, որ գիրքն ընդգրկում է դերասանի վեց տասնամյակ տևած կարիերան, անձնական հիշողությունները և կինոյում ունեցած ուղին:
Հուշագրության նախնական հատվածներում Հոֆմանը նաև անդրադարձել է 1967 թվականի «Շրջանավարտը» ֆիլմի նկարահանման դժվարություններին և ռեժիսոր Մայք Նիկոլսի հետ ունեցած բարդ հարաբերություններին: