Ձիթապտղի յուղը սովորաբար օգտագործվում է տապակելու համար կամ որպես աղցանի սոուս: Այն նաև օգտագործվում է մթերքների, մասնավորապես՝ ձկան պահածոների պատրաստման համար։
Հնագիտական ապացույցներըվ կայում են, որ դեռևս մ.թ.ա. 6000 թվականից սկսած ձիթապտուղները վերածվում էին ձիթապտղի յուղի:
Հիպոկրատը, հավատալով, որ ձիթապտղի յուղն ուներ բնական բուժիչ ուժեր, առաջին բժիշկն էր, ով ձիթապտղի յուղի վրա հիմնված քսուքներ օգտագործեց վերքերի և վնասվածքների բուժման համար:
Միջնադարում ձիթապտղի յուղը շարունակում էր բացահայտել նոր բուժիչ հատկություններ, քանի որ այն դարձավ կոկորդի ցավի, կտրվածքների և կապտուկների դեմ հայտնի բուժիչ միջոց:
Ձիթապտղի յուղի գույնը լինում է թափանցիկ դեղինից մինչև ոսկեգույն. չհասած ձիթենու պտուղներից ստացված որոշ տեսակներ ունեն կանաչավուն երանգ:
Extra virgin ձիթապտղի յուղը ամենաթանկ տեսակն է և պատրաստվում է ձիթապտղի առաջին սեղմումից: Այն ունի շատ ցածր թթվայնություն (մինչև 1%) և լավագույնս օգտագործվում է աղցաններ պատրաստելու համար:
Ձիթապտղի յուղը հարուստ է հակաօքսիդանտներով, այդ թվում՝ պոլիֆենոլներով և առողջ մոնոհագեցած ճարպաթթուներով: Ձիթապտղի յուղի ուսումնասիրությունները ցույց են տվել, որ դրա օգտագործումը նվազեցնում է սրտանոթային հիվանդությունների և 2-րդ տիպի շաքարային դիաբետի առաջացման ռիսկերը, ինչպես նաև ուղեղի բորբոքումների և ամիլոիդ-բետա սալիկների ձևավորման նվազեցումը:
Աշխարհի ամենաթանկ ձիթապտղի յուղը կոչվում է Lambda և արտադրվում է Հունաստանում գտնվող Speiron Co.-ի կողմից: Յուղը պիտակավորված է որպես «Ultra Premium Extra Virgin Olive Oil», իսկ Koroneiki ձիթապտուղները, որոնք օգտագործվում են Lambda-ի պատրաստման համար հավաքվում են ձեռքով:
Մեկ շիշը արժե 54 ԱՄՆ դոլար կամ հատուկ նվեր տուփի մեջ՝ 200 ԱՄՆ դոլար:
