Կիրակի Եգիպտոսի քաղավիացիայի նախարար Մուհամեդ Մանար Ինաբան հայտնել է, որ երկիրը հուլիսի 1-ից բացելու է ավիահաղորդակցումն ամբողջ ծավալով։ Որոշումը վերաբերում է նաև Կահիրեին և Ալեքսանդրիայի մերձակայքում Բուրգ էլ-Արաբ օդանավակայանին։
Մինչ այս հունիսի 11-ին Եգիպտոսի կառավարությունը հայտարարել էր, որ վերականգնելու է ավիահաղորդակցումը միայն այն նահանգներում, որտեղ կորոնավիրուսն ավելի քիչ է տարածված։
Եգիպտոսի կառավարության պաշտոնական ներկայացուցիչ Նադեր Սաադը պարզաբանել է․
«Որոշվել է հուլիսի սկզբից բացել արտերկրյա զբոսաշրջությունը և վիրուսի հետևանքով ավելի քիչ տուժած զբոսաշրջային նահանգների հետ ավիահաղորդակցումը»։
Խոսքը Հարավային Սինայի հանգստավայրերի, Կարմիր ծովի և Մաթրուխ (Միջերկրական ծով) նահանգների մասին է։
