Թուրքիայի նախագահ Ռեջեփ Թայիփ Էրդողանը Ռուսաստանի և ԱՄՆ-ի իր գործընկերներ Վլադիմիր Պուտինին և Դոնալդ Թրամփին այն համաշխարհային առաջնորդների շարքին է դասել, որոնց նա համակրում է: Այս մասին տեղեկացնում է Haberglobal.com կայքը:
«Նա կարող է դուր գալ կամ դուր չգալ մարդկանց, սակայն նա գաղտնի ծրագրեր չունի»,-ասել է Էրդողանը Թրամփի մասին՝ պատասխանելով հարցին, թե ում է նա գնահատում համաշխարհային առաջնորդներից:
Նա նշել է, որ Դոնալդ Թրամփն ամեն ինչի մասին բաց է խոսում՝ հավելելով, որ իր հետ զրույցի ժամանակ նա ամբողջովին բաց է:
Խոսելով Պուտինի մասին՝ Էրդողանը նույնպես նշել է ՌԴ-ի գաղտնի ծրագրերի բացակայության մասին:
«Մենք գործում ենք՝ միմյանց նկատմամբ բաց մնալով: Միասին մենք կհասնենք տարածաշրջանում խաղաղության»,-ասել է Թուրքիայի նախագահը՝ խոսելով Պուտինի մասին:
Միաժամանակ, Էրդողանը քննադատել է եվրոպական երկրների ղեկավարներին՝ նշելով, որ չի կարող հիշել նրանցից գոնե մեկին, որին կարելի է անվանել օրինակելի ղեկավար: