Երեկ գիշերը ՌԴ-ն ԱԹՍ-ներով հարձակում է գործել Կիևի վրա։
Այս մասին հայտնել են Կիևի քաղաքապետ Վիտալի Կլիչկոն և Կիևի մարզային վարչակազմի ղեկավար Սերգեյ Պոպկոն։
Նշվում է, որ Կիևի Սոլոմենսկի շրջանում հարվածի արդյունքում մասամբ ավերվել է բազմահարկ բնակելի շենքերից մեկի 24-րդ, 25-րդ և 26-րդ հարկերի արտաքին պատերը, ինչից հետո բնակարաններից մեկում հրդեհ է բռնկվել։
Նշվում է նաև, որ հարվածի հետևանքով տուժել է երկու բնակիչ, որոնցից մեկին հոսպիտալացրել են, մյուսին՝ տեղում ցուցաբերել բուժօգնություն։
