ԱՄՆ կառավարությունը 2008 թվականից ի վեր առաջին անգամ մտադիր է դեսպան ուղարկել Բոլիվիա: Այս մասին երեկ հայտարարել է հյուսիսամերիկյան երկրի դեսպանությունը ԱՄՆ պետքարտուղարի քաղաքական հարցերով տեղակալ Դևիդ Հեյլի հետ Բոլիվիայի նախագահի պաշտոնակատար Ժանին Անյեսի հանդիպումից հետո:
«Փոխպետքարտուղար Հեյլը հայտնել է այն որոշումը, ըստ որի՝ ԱՄՆ-ն մտադիր է դեսպաններ փոխանակել Բոլիվիայի հետ՝ կապված նոր հնարավորությունների հետ, որոնք առաջացել են երկկողմ հարաբերությունների ամրապնդման համար»,-նշված է հաղորդագրություն մեջ։
Հանդիպման ժամանակ Անյեսը և Հեյլը քննարկել են նաև Բոլիվիայի նախագահի առաջիկա ընտրությունները, որոնք տեղի են ունենալու մայիսի 3-ին:
Բոլիվիայի նախկին նախագահ Էվո Մորալեսը 2008 թվականին Լա Պասեում ԱՄՆ դեսպանին հայտարարել էր պերսոնա նոն գրատա՝ նրան մեղադրելով ընդդիմությանը ֆինանսավորելու և անկարգություններին աջակցելու մեջ: Դրանից կարճ ժամանակ անց ԱՄՆ նախկին նախագահ Ջորջ Բուշ կրտսերի վարչակազմը Վաշինգտոնից վտարել էր Բոլիվիայի դեսպանին և Բոլիվիան մտցրել այն երկրների կարգի մեջ, որոնք անտեսում են թմրավաճառության դեմ պայքարի իրենց միջազգային պարտավորությունները: