Բոլիվիայի Սանտա Կրուս քաղաքում հարյուրավոր ուսանողներ բողոքի ակցիա են անցկացրել երկրի գործող նախագահ Էվո Մորալեսին չորրորդ ժամկետով պետության ղեկավարի պաշտոնում առաջադրելու դեմ և հրկիզել դատարանի շենքը, հայտնել է Deber պարբերականը:
Հաղորդվում է, որ երկու ժամից հրդեհը մեկուսացվել է: Բողոքի մասնակիցների վկայությամբ՝ հրդեհն իրականացրել է 10 մարդ:
Բոլիվիայի Գերագույն դատարանը դեկտեմբերի 4-ին գործող նախագահ Էվո Մորալեսին և փոխնախագահ Ալվարո Գարսիային թույլատրել է իրենց թեկնածություններն անընդմեջ չորրորդ ժամկետի համար քվեարկության դնել սկզբնական ընտրություններում, որոնք նշանակված են 2019 թվականի հունվարին: Երկրում ընդհանուր ընտրությունները կկայանան հոկտեմբերին: Ընդդիմությունը մարդկանց կոչ է արել բողոքի ակցիաներ սկսել: