Հյուսիսային Կորեայի հյուսիսարևելյան Համգեն-Պուկտո նահանգի Փհունգերի շրջանում գտնվող միջուկային զորակայանից 1 կմ հեռավորության վրա 2․8 մագնիտուդով երկրաշարժ է տեղի ունեցել։
Ինչպես հայտնում է Հարավային Կորեայի օդերևութաբանական ծառայությունը՝ ստորգետնյա ցնցման օջախը գտնվել է 10 կմ խորության վրա։
Նշվում է, որ գրունտի տատանումներն ունեցել են բնական ծագում, դրանք չեն եղել ատոմային ռումբի նոր փորձարկման հետևանք։
Վերջին նման պայթյունը Փհունգերիում գրանցվել էր 2017 թվականի սեպտեմբերին։