Երեկ հայտնի դարձավ, որ Խորվաթիայի Պետրինյա քաղաքում ուժեղ` 6,4 մագնիտուդ ուժգնությամբ երկրաշարժ է տեղի ունեցել, որի էպիկենտրոնում այն 9 բալ է կազմել։
Երկրի ՆԳՆ-ից հայտնում են, որ այս պահին հայտնի է 7 զոհի ու տասնյակ վիրավորների, բայց որոնողափրկարարական աշխատանքները դեռ շարունակվում են։
Նշվում է, որ երկրաշարժը ուժեղ կերպով զգացվել է նաև Գլինա ու Սիսակ բնակավայրերում։ Կա գնահատական, որ Գլինայի շենքերի 90 տոկոսը փլուզվել է։