Ֆրանսիան, Գերմանիան և Մեծ Բրիտանիան ողջունել են Բելգիայի, Դանիայի, Ֆինլանդիայի, Հոլանդիայի, Նորվեգիայի և Շվեդիայի միացումը INSTEX (Instrument in Support of Trade Exchanges) վճարային համակարգին։ Այս մասին հաղորդում է DW-ը՝ հղում անելով երկրների համատեղ հայտարարութանը:
Վեց երկիր միացել է վճարային այդ համակարգին, որը, շրջանցելով ԱՄՆ պատժամիջոցները, թույլ է տալիս առևտրով զբաղվել Իրանի հետ
2018 թվականի մայիսին ԱՄՆ-ի նախագահ Դոնալդ Թրամփը հայտարարել էր Համատեղ գործողությունների համապարփակ ծրագրից (ՀԳՀԾ) դուրս գալու մասին և պատժամիջոցներ էր սահմանել Իրանի դեմ, այնուհետև խստացրել դրանք: Այդ ֆոնին Թեհրանը սկսել էր հրաժարվել միջուկային գործարքում իր պարտավորություններից:
2019 թվականի հունվարին Ֆրանսիան, Գերմանիան և Մեծ Բրիտանիան ստեղծել են INSTEX-ը, ամռանը նրանք սկսել են կիրառել այդ մեխանիզմը սկզբում միայն հումանիտար կարիքները հոգալու համար: