Հայաստանի Ֆուտբոլի Ֆեդերացիայի հերթական ժողովի ընդմիջմանը ՀՖՖ նախագահ Արթուր Վանեցյանը լրագրողների հետ ճեպազրույց է ունեցել: Վանեցյանը սակայն նշել է, որ ֆեդերացիայի շենքում են և ֆեդերացիայի ժողովին և ԱԱԾ վերաբերող հարցերի չի պատասխանի:
Արթուր Վանեցյանը հայտնել է, որ ֆեդերացիան 76 փոքր մարզադաշտ կկառուցի մարզերում: Խոսել է նաև ազգային մարզադաշտի կառուցման մասին: Պետությունը որևէ մասնակցություն չի կարող ունենալ այս ծրագրում: Ստադիոնը պետք է կառուցվի ներդրողների գումարով: ՀՖՖ նախագահը նշել է, որ ազգային ստադիոնը Երևանում չի կառուցվի, այլ մայրաքաղաքին մոտ գտնվող որևէ մարզում:
Այն հարցին, թե ի՞նչ է սպասվում «Հրազդան» ստադիոնին, որը հայկական ֆուտբոլի լավագույն տարիների խորհրդանիշն էր համարվում:
«Մասնագետների գնահատմամբ` «Հրազդանը» մարզադաշտը, ինչքան էլ վերանորոգեն և վերակառուցեն, չի կարող համապատասխանել միջազգային չափորոշիչներին, այսինքն` այնտեղ չենք կարողանա անցկացնել միջազգային խաղեր: »,- ասել է ՀՖՖ նախագահը:
