ՀՀ վարչապետ Նիկոլ Փաշինյանն այսօր ԱԺ-ում մասնակցել է 2022 թվականի բյուջետային քննարկումներին։
Նա դրա ընթացքում խոսել է կրթության և գիտության ֆինասավորման ավելացումից։
Անդրադառնալով գիտությանը, Փաշինյանը նշեց, որ միայն այդ ուղղությամբ հատկացվելու է 83 տոկոսով ավել գումար։
Նա ասաց, որ ավելանում է նաև գիտական թեմատիկ հետազոտություններին հատկացվող գումարը՝ դառնալով 6,7 միլիարդ դրամ, ինչը 2,5 անգամ ավելի է։
Վարչապետն ընդգծեց, որ պետության հարատևության համար երկարաժամկետ ներդրումներ են անհրաժեշտ կրթության և գիտության ոլորտում։
