Ֆրանսիան Ուկրաինային կտրամադրի հարյուրավոր միավոր զրահատեխնիկա, որոնք հին, բայց «դեռևս գործող» են, ինչպես նաև «Aster» հրթիռներ, հայտարարել է երկրի պաշտպանության նախարար Սեբաստյան Լեկորնյուն։
«Նման մեծ ռազմաճակատային գծի պաշտպանության համար ուկրաինական բանակին անհրաժեշտ են, օրինակ, մեր VAB առաջադեմ զրահատանկային մեքենաները. սա բացարձակապես առանցքային գործոն է զորքերի տեղաշարժի համար», – բացատրել է նախարարը La Tribune-ին տված հարցազրույցում։
«Այս հին սարքավորումը, որը դեռևս աշխատում է, իր զգալի քանակությամբ կկարողանա ուղղակիորեն օգուտ բերել Ուկրաինային։ Մենք կարող ենք խոսել 2024-ին և 2025-ի սկզբին հարյուրավոր այդպիսի մեքենաների տրամադրման մասին», – ավելացրել է նա:
VAB զրահափոխադրիչները, որոնք ավելի քան 40 տարվա վաղեմության են, ֆրանսիական բանակում այժմ փոխարինվում են նոր սերնդի Griffon զրահամեքենաներով։
Ի պատասխան Կիևի հակաօդային պաշտպանության կարողությունները ուժեղացնելու համառ խնդրանքներին՝ Փարիզը նաև «բացելու է Aster 30 հրթիռների նոր խմբաքանակը», – նշել է նա։
