Աշխարհ

Ֆրանսիան արգելել է Իսրայելին մասնակցել Euronaval ռազմածովային ցուցահանդեսին

Ֆրանսիան արգելել է իսրայելական ընկերություններին մասնակցել Եվրոպայի խոշորագույն Euronaval ռազմածովային ցուցահանդեսին, որը կանցկացվի նոյեմբերի 4-ից 7-ը Փարիզում։ Այս մասին հայտնում է Politico-ն։

Ըստ պարբերականի` իսրայելական ընկերությունների ներկայացուցիչները դեռ կկարողանան ներկա գտնվել միջոցառմանը, սակայն նրանց արգելվում է ռազմական տեխնիկա ցուցադրել ցուցահանդեսային տաղավարներում։ Նախատեսվում էր, որ Իսրայելից մասնակցեին յոթ ընկերություններ, այդ թվում՝ պաշտպանական հսկաներ Rafael, Elbeit Systems և Israel Aerospace Industries:

Ինչպես հայտնում է ամերիկյան The Wall Street Journal թերթի թղթակից Լոուրենս Նորմանը, Իսրայելի մասնակցությունն արգելող որոշումը, «գալիս է Ելիսեյան պալատից», այսինքն՝ Ֆրանսիայի վարչակազմից։

Norman-ը և Politico թերթը կարծում են, որ Փարիզի որոշումը կապված է Ֆրանսիայի նախագահ Էմանուել Մակրոնի և Իսրայելի վարչապետ Բենիամին Նեթանյահուի հարաբերությունների վատթարացման հետ՝ Գազայի հատվածում և Լիբանանում հրեական պետության կողմից հարձակումների սրման ֆոնին։

ԱՄԵՆԱԴԻՏՎԱԾՆԵՐԸ

ՎԵՐ