Ֆրանսիայի խորհրդարանում ելույթի ժամանակ, Ֆրանսիայի ԱԳ նախարար Ժան-Իվ Լը Դրիանը հայտնել է, որ Ֆրանսիան ամեն ջանք կգործադրի Ղարաբաղյան հակամարտության քաղաքական լուծման հասնելու համար։
Նախարարը նշել է՝ հայ-ադրբեջանական սահմանին տեղի ունեցող իրադարձությունները մտահոգիչ են, հատկապես, որ բախումները ոչ թե բուն Ղարաբաղում էին, այլ Հայաստանի ու Ադրբեջանի սահմանին։
«Ռազմական լուծում լինել չի կարող։ Պետք է քաղաքական լուծում գտնել, ու և հույս ունեմ, որ դա կհաջողվի անել», – ասել է Լը Դրիանը։
Նա նշել է, որ Փարիզն ամեն ջանք կգործադրի հարցի խաղաղ լուծման համար։ Նախարարը հիշեցրել է նաև, որ երկիրը ղարաբաղյան կարգավորմամբ զբաղվող ԵԱՀԿ Մինսկի համանախագահների եռյակում է։
Այս մասին տեղեկանում ենք «Սպուտնիկ-Արմենիայից»:
Conflit du Haut-Karabagh entre l’#Arménie et l’#Azerbaïdjan : @JY_LeDrian juge les événements "très préoccupants" et affirme que la France fera "tous les efforts" possibles pour aboutir à une solution politique. #DirectAN #QAG pic.twitter.com/OkkdJLz8mq
— LCP (@LCP) July 28, 2020
ԽՈՐՀՈւՐԴ Է ՏՐՎՈւՄ ԿԱՐԴԱԼ
