Ֆրանսիայի ազգային օդերևութաբանական ծառայությունը եղանակային վտանգի նախավերջին՝ նարնջագույն, մակարդակ է հայտարարել երկրի արևմուտքում գտնվող 8 վարչական շրջաններում: Դա պայմանավորված է «Ամելի» փոթորիկի մոտենալով:
Համապատասխան նախազգուշացումը հրապարակվել է շաբաթ: Նշվում է, որ «Ամելի» փոթորիկը պետք է ատլանտյան ափամերձ շրջաններին հասնի շաբաթ գիշեր լույս կիրակի և ուղեկցվելու է շատ ուժեղ քամիներով:
Վատ եղանակային պայմանները կխոցեն տասնյակ շրջաններ, որոնց թիվը կավելանա վաղը ցերեկը: Ակնկալվում է, որ քամու ուժգնացումը կհասնի 36-38 մետր վայրկյանի: Առաջիկա 36 ժամվա ընթացքում սպասվում են նաև հորդառատ անձրևներ: