Արգենտինայի հաջողության գաղտնիքը Մեսսին էր. Անչելոտի

Մադրիդի «Ռեալի» գլխավոր մարզիչ Կարլո Անչելոտին կիսվել է Արգենտինայի՝ 2022 թվականի աշխարհի առաջնությունում հաղթելու մասին իր մտքերով։

«Արգենտինան արժանիորեն հաղթեց Կատարում կայացած աշխարհի առաջնությունում: Այս թիմում կան շատ գերազանց խաղացողներ, բայց հաջողության գլխավոր գաղտնիքը, իհարկե, Լիոնել Մեսսին է, ով լավագույնն է»,- մարզչի խոսքերն է մեջբերում լրագրող Միգել Բլասկեսը։

Դեկտեմբերի 18-ին Արգենտինայի հավաքականը ԱԱ-2022-ի եզրափակչում հաղթեց Ֆրանսիային և 36 տարվա մեջ առաջին անգամ դարձավ աշխարհի չեմպիոն։