Գերմանիայի ոստիկանությունն ու մաքսային ծառայություն իրականացնողները երեքշաբթի օրը Չեխիայի հետ սահմանի մոտ հայտնաբերել են 31 միգրանտների, որոնք թաքնված էին թուրքական համարանիշ ունեցող սառեցվող բեռնատարի ներսում:
Գերմանիայի MDR հանրային հեռուստաալիքի հաղորդմամբ, բոլոր միգրանտները եղել են տղամարդիկ՝ 18-ից 47 տարեկան։ Նրանք եկել էին Թուրքիայից, Սիրիայից, Իրանից և Իրաքից: Բեռնատարի վարորդը Թուրքիայի 57-ամյա քաղաքացի էր, որը բերման է ենթարկվել ոստիկանության կողմից: