Չեմպիոնների լիգայի կիսաեզրափակիչի առաջին խաղում Դորտմունդի «Բորուսիայի»՝ ՊՍԺ-ի նկատմամբ տարած հաղթանակի շնորհիվ (1:0) Գերմանիան լրացուցիչ տեղ է ստացել եվրագավաթների գլխավոր մրցաշարում։
Գերմանական Բունդեսլիգան երաշխավորել է տեղը ՈՒԵՖԱ-ի վարկանիշային աղյուսակի թոփ2-ում, ուստի հաջորդ մրցաշրջանում Գերմանիայից 5 թիմեր հանդես կգան Չեմպիոնների լիգայում։
Հաջորդ մրցաշրջանից Չեմպիոնների լիգան 32-ի փոխարեն կունենա 36 թիմ։ Յուրաքանչյուր թիմ կանցկացնի ութ հանդիպում ութ տարբեր մրցակիցների հետ:
