Ամերիկայի Միացյալ Նահանգների Միչիգան նահանգի համալսարանի գիտնականները պարզել են, որ մահացության ավելի բարձր ռիսկ գյություն ունի վատ հոտառություն ունեցող տարեց մարդկանց մոտ, քան մնացածի:
Ուսումնասիրությանը, որն անցկացվել է 1997-1998 թվականներին, մասնակցել է 70-79 տարեկան 2.3 հազար մարդ: Թեստի ընթացքում նրանց առաջարկել են նույնականացնել 12 տարածված բույրեր: Մինչև 2014 թվականը մահացել է 1.2 հազար կամավոր:
Ուսսումնասիրությունից պարզ է դարձել, որ թեստի վատ արդյունքներ ունեցողների մահվան հավանականությունը 10 տարվա ընթացքում 45%-ով ավելի բարձր է եղել: 13-րդ տարում հարաբերակցությունը ցածր է եղել, քանի որ մասնակիցների կյանքի ցիկլը մոտեցել է ավարտին, և շատերը մահացել են անկախ ուսումնասիրության սկզբում գրանցված հոտառության և առողջական վիճակից:
Արդյունքներից նաև պարզ է դարձել, որ լավ առողջություն ունեցող մարդկանց մոտ հոտառության կորուստը կյանքից արագ հեռանալու հիմնական կանխատեսումն է եղել: Ուսումնասիրության 10-րդ տարում նրանց մահվան հավանականությունը 62%-ով բարձր է եղել լավ հոտառություն ունեցողներից, իսկ 13-րդ տարում՝ 40%-ով:
Կապը ինքնին բացատրվում է նրանով, որ հիվանդությունները, ինչպիսիք են Պարկինսոնի հիվանդությունը կամ դեմենցիան, որոնք նվազեցնում են մարդու կյանքի տևողությունը, նույնպես ազդում են հոտառության վրա:
