Գյումրի–Կարս երկաթուղու բացման հարցում սպասելիքներ կան

Արտաքին գործերի նախարար Արարատ Միրզոյանն այսօր նշել է, որ Հայաստանի և Թուրքիայի միջև գրեթե ամենօրյա ռեժիմով երկխոսություն է ընթանում՝ սահմանների բացման և դիվանագիտական հարաբերությունների հաստատման նպատակով։ Նա հույս է հայտնել, որ մոտ ապագայում շոշափելի արդյունքներ կլինեն, որոնցից մեկը Գյումրի–Կարս երկաթուղու բացումն է։ Միրզոյանը նշել է, որ այս ուղղությամբ գործնական հնարավորություններ կան, և թուրքական կողմից ազդակներ են ստացվում։