Ըստ ոստիկանության օպերատիվ հաղորդագրությունների ամփոփագրերի՝ ապրիլի 18-19-ը Հայաստանի Հանրապետության ոստիկանության ստորաբաժանումները բացահայտել են հանցագործության 86 դեպք, որից 4-ը՝ նախկինում կատարված։ Այս մասին փոխանցել է ՀՀ ոստիկանությունը։
«Մասնավորապես՝ ծանր վիրավորանքի՝ 18, անձնական ունեցվածքի գողության՝ 15, խարդախության՝ 8, թմրամիջոցի հայտնաբերման` 6, ընտանեկան բռնության և մարմնական վնասվածք պատճառելու՝ 5-ական, յուրացնելու կամ վատնելու և պաշտոնեական լիազորությունների չարաշահման՝ 4-ական, բռնություն գործադրելու հրապարակային կոչերը, բռնությունը հրապարակայնորեն արդարացնելու կամ քարոզելու՝ 3-ական, ապօրինի ծառահատման, պետական սահմանն ապօրինի հատելու և սպանության սպառնալիքի՝ 2-ական, անձի առևանգման, գույքը դիտավորությամբ ոչնչացնելու, հարկերից խուսափելու, զենք-զինամթերքի առգրավման, խուլիգանության, սպանության, առողջությանը ծանր վնաս պատճառելու կամ գույք ոչնչացնելու սպառնալիքի, սուտ ցուցմունք կամ կեղծ եզրակացություն տալու կամ ակնհայտ սխալ թարգմանություն կատարելու և վտանգավոր քիմիական ու կենսաբանական նյութերի, թափոնների հետ վարվելու անվտանգության կանոնները խախտելու՝ 1-ական դեպք։
- Ոստիկանությունը կանխել է քրեական աշխարհում հայտնի Կաբելի սպանությունը
- Քաղաքացիների ինտերնետ դիտարկիչներն արգելափակվում են. ոստիկանությունը որևէ առնչություն չունի այդ ամենի հետ
Հայտնաբերվել է 1 հետախուզվող, կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության 3, բնակարանային գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար. 1 մարդ զոհվել է, 15-ը՝ ստացել տարբեր աստիճանի մարմնական վնասվածքներ:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ:
