«Հայաստան» դաշինքից արձագանքել են երեկվանից մամուլում շրջանառվող տեղեկությանը՝ կապված՝ պատերազմից հետո Ռոբերտ Քոչարյանի ու Երևանի քաղաքապետ Հայկ Մարությանի ենթադրյալ հանդիպմանը։
ԱԺ «Հայաստան» խմբակցության պատգամավոր Արամ Վարդևանյանը լրագրողների ճեպազրույցում հերքեց այս տեղեկությունը։
Նա ասաց, որ նման հանդիպում տեղի չի ունեցել, իսկ եթե տեղի ունենար, ապա հանրությունը տեղեկացված կլիներ այդ մասին։
Քաղաքապետի մասով էլ Վարդևանյանը նշեց, որ նրա գործողություններում դրականն էլ կա, բացասականն էլ։