Աշխարհ

Թուրքիան Սիրիայի հյուսիսում հարվածներ է հասցրել 19 ավանների

Առնվազն 19 բնակավայր սիրիական Հալեպի նահանգի Էշ Շեհբա և Աֆրին սահմանամերձ շրջաններում ենթարկվել է թուրքական զորքերի գնդակոծությանը։ Ինչպես հայտնում է Firat գործակալությունը, թուրքական բանակի հրետանին նրանց վրա 545 ական է արձակել։ Ըստ գործակալության՝ Թանիբ ավանում գնդակոծվել է սիրիացի զինվորականների դիրքը, ինչի հետեւանքով զոհվել է երեք զինվոր։

Al Akhbar թերթի տվյալներով՝ մի քանի զինված պարեկախմբեր վերջին 48 ժամվա ընթացքում Բաբ-էս-Սալամ անցակետով տեղափոխվել են Անկարայի կողմից Սիրիայի հյուսիսում ստեղծված անվտանգության գոտի։ Ընդդիմադիր աղբյուրները պարբերականին հայտնել են, որ մարտական պատրաստվածություն է հայտարարվել թուրքամետ կազմավորումներում, որոնք տեղակայված են Աազազ, Ջերաբլուս եւ Էլ-Բաբ սահմանամերձ շրջաններում։

ԱՄԵՆԱԴԻՏՎԱԾՆԵՐԸ

ՎԵՐ